गोपाळपूरचे उपसरपंच, सदस्य व इतर वाळूतस्करांना पोलीस प्रशासनाचा  दणका ..

जोशाबा टाईम्स वेब न्युज पोर्टल

श्रीकांत कसबे

पंढरपूर:-पोलीस अधिक्षक तेजस्वी सातपुते यांनी सोलापुर ग्रा घटकातील अवैध धंद्यावर कारवाई करण्याबाबत मार्गदर्षन करुन सुचना दिल्या होत्या. त्या अनुषंगाने अप्पर पोलीस अधिक्षक अतुल झेंडे व पंढरपुर विभागाचे उपविभागीय पोलीस अधिकारी विक्रम कदम यांचे मार्गदर्शनाखाली उपविभागीय पोलीस अधिकारी स्तरावर अवैध धंद्यावर वेळोवेळी कारवाई करण्यात येत आहे.

दि २०/०५/२०२१ रोजी पहाटे उपविभागीय पोलीस अधिकारी पंढरपूर विभाग यांनी त्यांना मिळालेल्या माहितीवरून त्यांचेकडील पथकाने गोपाळपूर गावात चालू असलेल्या वाळू चोरीवर कारवाई केली . सदर छाप्या मध्ये २ पिकअप, २ किंमती मोटारसायकल, १ वाळू काढण्यासाठी वापरण्यात येणारी बैलगाडी असा एकूण ७,४६,०००/- रुपयाचा मुद्देमाल जप्त केला आहे. सदची वाळू चोरी प्रकरणात गोपाळपूरचे उपसरपंच विक्रम आसबे, तसेच ग्रामपंचायत सदस्य उदय पवार ल गोपाळपूर गावातील स्वप्नील आसबे, सागर चव्हाण, पप्पू कोले, सागर घंटे, दीपक घंटे व इतर तीन जण असे एकूण दहा जणाविरुद्ध पोलीस शिपाई हुलजंती उपविभागीय पोलीस अधिकारी कार्यालय पंढरपूर उपविभाग यांच्या फिर्यादिवरून गुन्हा नोंद करण्यात आला आहे. तसेच यापूर्वी उपसरपंच विक्रम आसबे यास वाळूतस्करी मधेच तडीपार करण्यात आले होते, गुन्ह्याचा पुढील तपास पोनि किरण अवचर यांच्या मार्गर्शनाखाली पोलीस उपनिरीक्षक सचिन वसमळे, पंढरपूर तालुका हे करीत आहेत.
सदरची कामगिरी ही जिल्हा पोलीस अधिक्षिक तेजस्वीनी सातपुते,अप्पर पोलीस अधिक्षक अतुल झेंडे, उपविभागीय पोलीस अधिक्षक विक्रम कदम पंढरपुर उपविभाग यांचे मार्गदर्शनाखाली स.पो.नि आदिनाथ खरात, स.पो.नि शंकर ओलेकर, पोलिस नाईक श्रीराम ताटे , पोलीस शिपाई देवेंद्र सुर्यवंशी, पोलीस शिपाई शिवशंकर हुलजंती, पोलीस शिपाई घाटगे यांनी केली आहे.