राज्यातील नगरपरिषद कर्मचाऱ्यांचे डिसेंबर 2021चे वेतन न झाल्याने दिनांक 27 जानेवारी 2022 रोजी राज्यातील सर्व नगरपरिषद कर्मचारी काम बंद करून बोंबाबोंब आंदोलन करणार
जोशाबा टाईम्स वेब न्यूज पोर्टल
श्रीकांत कसबे
महाराष्ट्रातील सर्व नगर परिषदांना कर्मचाऱ्यांचे वेतन वेळेवर व्हावी या हेतूने शासनाने कर्मचाऱ्यांच्या वेतनासाठी सहाय्यक वेतन अनुदान देण्याचा निर्णय घेतला होता त्यानुसार प्रत्येक महिन्याच्या एक तारखेला सर्व शासकीय कर्मचाऱ्यांप्रमाणेच नगर परिषदेच्या सर्व कर्मचाऱ्यांचे वेतन होणे आवश्यक आहे परंतु शासनाकडून वेतनासाठी मिळणारी सहाय्यक अनुदानाची रक्कम वेळेवर न मिळाल्याने या महिन्यांमध्ये अद्याप पर्यंत कर्मचाऱ्यांचे पगार झालेले नाहीत सध्या कोरोनाच्या काळात हेच सर्व नगरपरिषद कर्मचारी आपला जीव धोक्यात घालून गेल्या दोन वर्षांपासुन काम करीत आहेत परंतु शासनाकडून गेल्या तीन वर्षापासून सहाय्यक वेतन अनुदानाची रक्कम प्रत्येक महिन्याच्या वीस तारखे नंतर दिली जाते त्यामुळे कर्मचाऱ्यांचे पगार हा 23, 24 तारखेला होतो परंतु चालू जानेवारी महिन्यामध्ये मकरसंक्रांतीचा सणाला सुद्धा पगार झालेला नाही. तसेच आज 24 तारीख होऊन गेली तरी सुद्धा शासनाकडून अद्याप पर्यंत सहाय्यक वेतन अनुदानाची रक्कम महाराष्ट्रातील सर्व नगरपरिषदाना दिली गेली नाही. त्यामुळे महाराष्ट्रातील सर्व नगर परिषद कर्मचारी वेतनापासून वंचित राहिला आहे. त्यामुळे प्रत्येक महिन्याच्या एक तारखेला सहाय्यक वेतन अनुदान मिळावे म्हणून शासनाचे या मागणीकडे लक्ष वेधण्यासाठी व डिसेंबर 2021 महिन्याचे सहाय्यक वेतन अनुदानाची रक्कम गुरुवार दिनांक 26 जानेवारी 2022 पर्यत न मिळाल्यास 27 जानेवारी 2022 पासून महाराष्ट्रातील सर्व नगरपरिषद कर्मचारी आपल्या आपल्या नगर परिषदेसमोर अनुदानाची रक्कम नगरपरिषदाना मिळेपर्यंत काम बंद करुन बोंबाबोंब आंदोलन करणार असल्याची माहिती राज्याचे अध्यक्ष डॉ डी एल कराड व सरचिटणीस सुनील वाळुजकर व पुणे विभागाचे अध्यक्ष प्रा. ए.बी.पाटील यांनी दिली.
