माळशिरस तालुक्यातील राष्ट्रवादी काँग्रेस पार्टी (श. प.) आ. रणजितसिंह मोहिते पाटील आणि जयसिंह मोहिते पाटील यांनी केली हायजाक:मोहित गायकवाड
जोशाबा टाइम्स वेब न्यूज पोर्टल
श्रीकांत कसबे
पंढरपूर:- — अकलूज नगरपरिषद निवडणुकीत राष्ट्रवादी कांग्रेस पक्षश्रेष्ठीने आपल्या नावाची शिफारस करून सुद्धा मोहिते पाटील यांनी माझी उमेदवारी डावलली असून आपण आवाज उठवू नये म्हणुन दमबाजी केली आहे. असा आरोप युवक काँग्रेस (शरदचंद्र पवार) चे सरचिटणीस मोहित बाळासाहेब गायकवाड यांनी पत्रकार भवन पंढरपूर येथे आयोजित केलेल्या पत्रकार परिषदेत केला. पुढे बोलताना ते म्हणाले की,माळशिरस तालुक्यातील राष्ट्रवादी काँग्रेस पार्टी (श. प.) पक्ष भाजप आमदार रणजितसिंह मोहिते पाटील आणि जयसिंह मोहिते पाटील यांनी हायजाक केला असून 11नोव्हेंबर शिवरत्न बंगला येथे मी मुलाखती साठी गेलो असता मला बंद खोलीत गंभीर स्वरूपाची धमकी देण्यात आली. त्याबाबत तक्रार मी 21 नोव्हेंबर 2025 रोजी पोलिसांकडे दाखल केली आहे.
पत्रकाराशी वार्तालाप करताना गायकवाड पुढे म्हणाले की,भाजप आमदार रणजितसिंह,बाळदादा मोहिते पाटील व खा. धैर्यशील मोहिते पाटील यांच्या संगनमताने माझी उमेदवारी मुद्दाम डावलण्यात आली आहे.. कारण पहिल्या मुलाखतीच्या वेळेस भाजपचे आमदार रणजीतसिंह मोहिते पाटील हे उपस्थित होते. उमेदवारी प्रक्रियेत पक्षातील स्थानिक गटांनी दबाव आणून आपल्याला बाहेर ठेवण्यात आल्याचे त्यांनी म्हटले.
शेटे हॉस्पिटल मधील डॉक्टर या प्रकरणात मी आवाज उठवल्यामुळे ते प्रकरण मिटवून घे.. काही झाले तरी तुला उमेदवारी देणार नाही, तूला पक्षातून काढून टाकीन, कोणाकडे ही जा, तुझे काही खरे नाही या दमबाजीच्या भाषेमुळे मी तणावात आलो आहे.त्यामुळे माझ्या विरोधात खोटे गुन्हे लावले जाऊ शकतात,या घटनेनंतर मानसिक तणावामुळे काही दिवस तक्रार दाखल करता आली नव्हती, परंतु सुरक्षा धोक्यामुळे अखेर मी तक्रार नोंदवली असून आवश्यक ती प्रतिबंधात्मक कारवाई करावी अशी मागणी केली असून प्रशासनाने याची दखल घ्यावी अपेक्षा व्यक्त केली आहे.
