अमरावती येथे अभिजीत पाटील यांनी पंडीत मिश्रा यांची भेट घेऊन दिले आमंत्रण
जोशाबा टाईम्स वेब न्यूज पोर्टल
-श्रीकांत कसबे
प्रतिनिधी/-
श्रीक्षेत्र पंढरपूर येथे दि.२५ ते ३१ डिसेंबर २०२३ पर्यंत पंडित प्रदीप मिश्रा (सिहोरवाले) यांचे भव्य शिव महापुराण कथा सोहळ्याचे आमंत्रण घेऊन चेअरमन अभिजीत पाटील थेट अमरावतीत पोचले.
अवघ्या महाराष्ट्राचा आराध्य दैवत असणाऱ्या श्री विठ्ठलाच्या नगरीमध्ये आषाढी, कार्तिकी, माघी, चैत्री वारी भरत असून पंढरपूरची आर्थिक उलाढाल यावर बरेच अवलंबून असायचे परंतु श्री शिव महापुराण कथेचे आयोजन केले असता वारीप्रमाणे पंढरपूरला स्वरूप येणार असल्याचे पाटील यांनी सांगितले.
पंढरपूर येथील चंद्रभागा मैदान येथे पंडित प्रदीप मिश्रा यांचे भव्य शिव महापुराण कथा होणार असुन सदरचा कथा सोहळा दुपारी ०१.०० ते ०४.०० या कालावधीमध्ये होणार आहे. सदर सोहळ्यास येणाऱ्या भाविकांच्या महाप्रसादाची व्यवस्था देखील केलेली आहे. या धार्मिक कार्यक्रमामध्ये अनेक मंडळीनी सहभागी होण्याचे आवाहन अभिजित पाटील यांनी केले आहे.
अमरावती येथे चेअरमन अभिजीत पाटील यांच्यासोबत संचालक संतोष कांबळे, संचालक तुकाराम मस्के, संजय खरात, दत्तात्रय गायकवाड, संजय पाटील, प्रविण बाबा भोसले, परवेज मुजावर, शरद घाडगे, नंदकुमार बागल, शंकर साळुंखे यासह मान्यवर उपस्थित होते.
