पंढरपूर तीर्थक्षेत्र विकास प्रारूप आराखड्याच्या प्रती 17 नोव्हेंबरपर्यंत अवलोकनासाठी उपलब्ध
जोशाबा टाईम्स वेब न्यूज पोर्टल
श्रीकांत कसबे
सोलापूर, दि. 11 (जि. मा. का.) :: पंढरपूर तीर्थक्षेत्र विकास प्रारूप आराखड्याच्या प्रती दि. 12 ते 17 नोव्हेंबर या कालावधीत पंढरपूर येथील कार्यकारी अधिकारी, विठ्ठल रुक्मिणी मंदिर समिती, उपविभागीय अधिकारी, तहसीलदार व मुख्याधिकारी, नगरपरिषद या चार कार्यालयात लोकप्रतिनिधी व नागरिक यांना पाहण्यासाठी उपलब्ध करून देण्यात आल्या आहेत. तरी संबंधितानी वरील कार्यालयातच सूचना व हरकती नोंदविण्याचे आवाहन जिल्हा नियोजन अधिकारी पुंडलिक गोडसे यांनी केले आहे.
अपर मुख्य सचिव यांच्या अध्यक्षतेखाली पंढरपूर तीर्थक्षेत्र विकास आराखड्यात नव्याने समाविष्ट करावयाच्या कामांबाबत स्थानिक लोकप्रतिनिधी, व्यापारी, नागरिक व पत्रकार यांच्या सोबत बैठक घेण्यात आली. संबंधितांच्या मागणीनुसार सदर आराखड्याचे प्रारूप संबंधितांना पाहण्यासाठी उपलब्ध करून देण्याचे निर्देश बैठकीत देण्यात आले. त्यानुसार सदर प्रारूप पाहण्यासाठी उपलब्ध करून देण्यात आले आहे,
