अँट्रासिटीच्या गुन्ह्यांमध्ये आरोपींना शिक्षा झाल्यास डी.वाय. एस.पी व सरकारी वकील यांना पाच लाख रुपये देऊन राष्ट्रपती पुरस्कारासाठी शिफारस करावी–वैभव गिते
जोशाबा टाईम्स वेब न्यूज पोर्टल
श्रीकांत कसबे
पंढरपुर-अट्रोसिटी ऍक्ट अंतर्गत गुन्हे दाखल होण्याचे प्रमाण जास्त असून गुन्ह्यात शाबीतीचे प्रमाण अत्यल्प आहे.याकरिता नॅशनल दलित मूव्हमेंट फॉर जस्टीस या संघटनेचे राज्य सचिव वैभव तानाजी गिते यांनी आयुक्त समाजकल्याण पुणे यांच्याकडे निवेदन देऊन एट्रोसिटीच्या dysp यांनी गुन्ह्यांमध्ये सखोल तपास करून दोषारोपपत्र न्यायालयात दाखल करून सदर गुन्ह्यात सरकारी वकिलांनी जोरदार युक्तिवाद करून आरोपींना शिक्षा झाल्यास डी.वाय. एस.पी व सरकारी वकील यांना शासनाच्यावतीने प्रत्येकी पाच लाख रुपये देऊन राष्ट्रपती पुरस्कारासाठी शिफारस करावी अशी मागणी केली आहे.
आयुक्त समाजकल्याण पुणे यांनी हा प्रस्ताव मंत्रालयात प्रधान सचिव सामाजिक न्याय व विशेष सहाय्य विभाग यांना योग्य कार्यवाहीस्तव पाठवला आहे.परंतु सामाजिक न्यायमंत्री धनंजय मुंडे यांच्या मंत्रालयात हा प्रस्ताव प्रलंबित असून अशा महत्वपूर्ण प्रस्तावावर कार्यवाही झाल्यास पोलिस व सरकारी वकील यांचे मनोबल वाढून आरोपींना शिक्षा होण्याचे प्रमाण वाढेल.व बौद्ध, अनुसूचित जाती-जमातींच्या नागरिकांमध्ये सुरक्षेची भावना वाढू लागेल असे वैभवजी गिते यांनी पत्रकारांशी बोलताना सांगितले.
