प्रथम वर्ष पदविका अभियांत्रिकीच्या प्रवेशाचा कॅप राऊंड-१ आज (सोमवार) पासून सुरु

छायाचित्र- स्वेरीचे संस्थापक सचिव डॉ. बी.पी. रोंगे, स्वेरी चिन्ह व प्राचार्य डॉ. नितीन मिसाळ.

जोशाबा टाईम्स वेब न्यूज पोर्टल

संपादक-श्रीकांत कसबे

पंढरपूरः (संतोष हलकुडे) गोपाळपूर (ता.पंढरपूर) येथील श्री. विठ्ठल एज्युकेशन अँड रिसर्च इन्स्टिटयूट संचलित अभियांत्रिकी (डिप्लोमा) महाविद्यालयात प्रथम वर्ष डिप्लोमाच्या ऑनलाईन प्रवेश प्रकियेची पहिली फेरी (फर्स्ट कॅप राऊंड) सोमवार, दि. १३ सप्टेंबर २०२१ पासून सुरु होणार असून ती गुरुवार, दि.१६ सप्टेंबर रोजी सायंकाळी ५ वाजेपर्यंत चालणार आहे. स्वेरीच्या फॅसिलिटेशन सेंटर (एफ.सी.क्रमांक ६४३७) मध्ये ऑनलाईन कॅप राउंड ऑप्शन फॉर्म भरण्याची सोय केली आहे. या प्रवेशाची अलॉटमेंट यादी महाराष्ट्र शासनाच्या राज्य सामाईक प्रवेश परीक्षा कक्षाच्या संकेतस्थळावर शनिवार दि.१८ सप्टेंबर रोजी प्रसिद्ध होणार आहे.’ अशी माहीती श्री. विठ्ठल एज्युकेशन अँड रिसर्च इन्स्टिटयूट, पंढरपूर संचलित डिप्लोमा अभियांत्रिकी महाविद्यालयाचे प्राचार्य डॉ. नितीन मिसाळ यांनी दिली.
सन २०२१-२२ च्या पदविका अभियांत्रिकीच्या प्रवेशाकरीता यापूर्वीच ऑनलाईन रजिस्ट्रेशन फॉर्म भरणे, भरलेले अर्ज स्विकारुन कागदपत्रांची तपासणी, पडताळणी,  अर्ज कायम करणे आदी प्रक्रिया दिलेल्या अवधीत पार पडल्यानंतर आता सोमवार, दि.१३ सप्टेंबर पासून ते गुरुवार,दि.१६ सप्टेंबर पर्यंत प्रवेशाची पहिली फेरी (कॅप राउंड-१) चालणार आहे. यामध्ये आपल्याला योग्य महाविद्यालय व योग्य अभ्यासक्रम (विभाग) याची निवड करावी लागणार आहे. यासाठी विशेष अभ्यास करून कॅप राऊंड- १ चे ऑप्शन फॉर्म ऑनलाइन भरावेत. महाविद्यालय निवडताना महाविद्यालयात दरवर्षी होणारे प्रवेश, विद्यार्थ्यांच्या परीक्षेचे निकाल, कॅम्पस प्लेसमेंटची संख्या, सोयी-सुविधा, उच्च शिक्षित प्राध्यापक वर्ग या बाबींचा प्रामुख्याने विचार करावा. विद्यार्थ्यांनी अभ्यास करून करिअरच्या दृष्टीने योग्य महाविद्यालयाची निवड करणे गरजेचे आहे. कॅप राउंडच्या या चार दिवसात घेतलेला निर्णय अत्यंत महत्वाचा ठरणार आहे. सर्व बाजूंनी विचार करून योग्य महाविद्यालयाची निवड करावी. तीन वर्षे मौज मजा करण्यापेक्षा तीन वर्षे परिश्रम करून घेणाऱ्या महाविद्यालयाची निवड करावी, जेणेकरून भविष्यकाळ सुखाचा व समृद्धीचा जाईल. सर्व ऑनलाईन रजिस्ट्रेशन केलेल्या विद्यार्थ्यांना या फेरीचा लाभ घेता येणार आहे. पहिल्या फेरीसाठी जागावाटप शनिवार, दि. १८ सप्टेंबर रोजी प्रदर्शित केले जाईल. पहिल्या फेरीसाठी वाटप करण्यात आलेल्या जागेची स्वीकृती रविवार, दि.१९ सप्टेंबर ते बुधवार, दि.२२ सप्टेंबर या दरम्यान करता येईल व त्यानंतर जागा वाटप झालेल्या संस्थेत उपस्थित राहून आवश्यक कागदपत्रे व शुल्क भरून प्रवेशाची निश्चिती करण्याची मुदत रविवार, दि.१९ सप्टेंबर ते गुरुवार, दि.२३ सप्टेंबर असेल. प्रथम वर्ष डिप्लोमा च्या प्रवेशासंदर्भात अधिक माहितीसाठी प्रा.एस.एस. गायकवाड (मो.९८९०५६६२८१) व प्रा. एम.एम. मोरे (मो. ९४२१९६०२५८) यांच्याशी संपर्क साधण्याचे आवाहन केले आहे. पदविका अभियांत्रिकीच्या ऑलाईन प्रवेशासाठी मिळालेल्या विक्रमी प्रतिसादाच्या पार्श्वभूमीवर व कॅम्पस प्लेसमेंटच्या विक्रमी निवडीवर स्वेरीमध्ये अभूतपूर्व गर्दी होत असल्याचे दिसून येत आहे.